Haritz Leteren bizitza musikaren inguruan dago antolatuta. Musika bizi du ahalik eta modu gehienetan.  Dio musika dela bizi duen ametsik sendoena, «zoratu egiten nau pozez». Otea Lili saioan baina, musikaren inguruan hitz egiten da eta baita bizitzaz ere, azken horren inguruan hitz egitea pixkat bat gehiago kostatzen bazaio ere, hausnarketa ederrak utzi dizkigu Letek.

Haritz Lete 1979an jaio zen Donostian, baina eibartarra da. Andoaingo Zine eta Bideo Eskolan Goi Mailako Soinu Teknikari ikasketak egin zituen eta egun soinu teknikaria da eta ikus-entzunezkoen postprodukzioan dabil Lera estudioan,  Donostian. Kafha, Kokein, Cobra eta Osso taldeetan jo izan du. Dio bere botika dela musika: «Pilulek edo fentaniloak beste zerbait ezkutatzeko dira. Substantzia horiek ez dute arazoa argitu edo konponduko, arindu, aldatu edo denbora ematen dute beste zerbaiterako». Ondokoak dira solasaldian entzungo ditugun taldeak: Kafha, Kokein, Cobra, Osso, Su Ta Gar, Dut, Anestesia, Zea Mays.