Asteazken gaua eklipsatzeko moduko kantuak izan ditugu beste behin Naiz Irratiaren uhinetan, '∫ateliteak' saioari esker. Oraingo honetan 91.saioa izan dugu. Hori gutxi izango balitz, DJ bat gonbidatu dugu guregana, eta bera izan da saioaren gidari ordubetean zehar. Ines izan da lema hartu duen DJa, askok soberan ezagutuko duzuena arrazoi ezberdinengatik: Tobacco Days liburudendaren jabe, irrati esatari izana, KRII kolektiboko buru...

Inoiz geldi egoten ez den horietakoa dugu Ines. Gainera, aste honetako saiorako prestatu digun mixari, "Mixtapiataleturia" izena jarri dio, eta ohi bezela 3021 urtera bidaiatzeko moduko materiala entzun ahal izan dugu. Gauzak horrela esan genezake, abangoardiaz eta doinu futuristez josia izan dugula gaurko atala. Bon Voyage!