97. '∫ateliteak' saioan, nobedade ugari entzuteko aukeran izan gara. Bilbo eta Santander artean egoitza duen 2 Headed Deer zigiluan kaleratu berri duten Ka Safar Britainiarren doinu mistikoekin hasi dugu. Jailed Jaime Asturiarraren lan berriaren aurrerapen kanta bat entzuteko aukeraz gozatzen ibili ondoren, Bocabeats mitikoaren lehen EPa ere. BSN Posse, Parallax edota Sherelle artistek igo dituzte saioaren erdigunean BPMak, eta errematea balearic pixka batekin eman diogu kontuari, Modula eta Dj Harveyren azken lanetako musikarekin. Amaitzeko euskal perlari ere tartea egin diogu, Txakun Lapurtarren eskutik.