Beste aste batez, berrikuntza ugarirekin etorri da '∫ateliteak' saioa. Aste honetakoan gainera estilo ezberdin ugaritako kantuetan murgildu gara, undergroundetik hasi eta musika komertzialagoraino. Ambient, techno, funk, IDM, hip hop edota elektro estiloko lanak nagusi izan direlarik. Intxaurrondo auzoko El Negro artistak zabaldu nahi izan du 98.saioa, eta ondoren Inguma Recordsetik datorkigun techno estiloko lana zein Crystal Mine zigilutik datozkigun proposamenak entzuteko parada izan dugu. Atzerrira begira berriz Broken Lip, Deviant Disco, Jameszoo, Bonobo edota Ellen Alien izan dira gurean.