Joan zen asteko efemeride esanguratsuenak, bueltan ekarri nahi izan ditugu '∫ateliteak' saiora asteazken honetan. Duela bi aste, This Ist, saioko lehen gonbidatua izan genuen etxera bueltan etorri ondoren, eta 100.ean berriz orain arteko ibilbideari egin genion errepasoa gonbidatu ezberdinen ahotsak oroituz.

Oraingo honetan ordea, nostalgiak eta ospakizunak alde batera utzi ondoren, nobedadez beterik ekin diogu ordubeteko saioari. Milaka artista eta beste horrenbeste estilo entzun ditugu gurean: Enrike Hurtadoren azken lana, Rubbio Bartzelonarraren lehen ekoizpena, Mitto Koronkon Bilbotarraren lan berriaren aurrerapen kantua.

Kanpora begira ere jarri gara, eta besteak beste Dam Funk eta harvey Sutherland artisten arteko elkarlan zoragarria entzuteko parada izan dugu. Amaieran berriz Euskal perla itzel bat entzun dugu osorik, merezi duen modura. Mikel Acostari lapurturiko gomendioa hain zuzen ere.