Aste honetako '∫ateliteak', hirugarren denboraldiko hirugarrena izan dugu eta material fresko ugari izan dugu gainera entzungai. Nahiko eklektiko geratu zaigula esateko arrazoiak beraz, baditugu gaurko honetakoa. Etxean hasi dugu ordea ibilbidea, Tuber Astigarragarraren techno doinuekin eta Bilbotik berriz WLDV eta Mikel Vega musikaren azken lanak entzuteko aukera ere izan dugu. Azken honek inprobisazio ederrez osaturiko lana kaleratzear du Crystal Mine zigiluan. 

Atzerritik berriz, Gazzi Granadako artistaren lan berriko kantu bat iritsi zaigu, eta doinu atmosferikoekin jarraitzeko Nala Sinephro eta X Or Size artisten kantu pare bat ere jarri ditugu. Amaitzeko doinu dantzagarriagoak, Delfonic eta Red Axesen azken lanak. Espaziontzia hartu eta beste sesio musikal batean murgiltzera animatzen baldin bazara, ez zinateke aste honetakoa ere entzun gabe geratu beharko.