Aste honetako Afizio eta Ofizio saioan jatetxe batetara hurbilduko gara.  Ostalaritzan aritzen den lagun bat bisitatu dugu, Joseba Martinez Rey.  Sukaldean kozinatzen den produktua nondik datorren eta zer nolako garapena duen  arduratzen duen pertsona dugu Martinez. Horregatik,  bere jatetxean sartu bezain proto bisitariak errez jakingo du non ekoiztu den jango duena. Baina ez da sukaldean Joseba Marinezek politika egiten duen leku bakarra.

Urrobi kanpineko Baratze jatetxea kudeatzen du Joseba Martinez Rey. Elikadura burujabetzaren hautua egin dute eta bertaratzen diren lagunak asko eskertzen dute bertan jasotzen duten esperientzia.

 Sukalde kontuetan aritzeaz gain,  gure elkarrizketatua ekintzailea ere bada eta zonaldeko toki administrazioetan (Pirinioko mahaiko sorreran) eta elkarteetan ibilitakoa da.Pirinioen egoeraz kezkatuta, kontzientzia politikoak eraman zuen hautu horiek hartzera. Bai,Joseba Martinez Rey, sukaldaria, ekintzailea eta arazo, gabezi eta injustiziei aurre egiten dion laguna da.

Bere jatetxera gerturatzen denak Pirinioak bizitu, biziberritu, dastatu eta gozatu eginen du, bere hautua hori baita, bertan bizi edota kanpotik etorritakoa izanda inor diskriminatu gabe, euren atea pertsona orori irekia baita, Pirinioetako sen hori jarraituz.