Zuzenean
Rockein lehiaketako finala eta Durangoko Azoka hizketagai ‘Zarata’ tartean
Udazkeneko emaria sekulakoa izaten ari da eta Durangoko Azokaren atarian gaudela nabari da. Hala, bertan aurkituko ditugun erreferentzia parea ekarri digu aste honetan Iker Bárbarak. Baina Rockein lehiaketako finalean ere izango da bilbotarra, eta han arituko den talde baten berri ere eman digu.
Rockein lehiaketako finala eta Durangoko Azoka hizketagai ‘Zarata’ tartean
Pasadena - Zerua ireki
Pasadena taldekoen berriena ekarri du lehen tokian Iker Barbara Zarata Mondo Sonoroko zuzendariak: «Kontzertuetako errepertorioa luzatzeko gogoz ziren eta horretarako sortu dituzten kantuekin EP bat osatu dute, ‘Izpia’. Askotan ez duzu momentua topatzen disko bat osorik kaleratzeko, edota denboran asko luza daiteke, eta horretarako aproposa da disko laburraren formatu hau. Durangoko Azokarako etorriko da eta proiektu oso fina denez, halako lan bat espero dugu».
Comic Sans - Canción triste para un asteroide
Comic Sans talde donostiarra ere lan berria kaleratzekotan da bilbotarrak aipatu digunez: «B-Core zigiluarekin sinatu dute eta pop-punk doinuak, emoa eta halakoak jorratzen dituzte, Cala Vento edo Yawners bezalako taldeen eraginarekin. Kantuak badu izen bitxia, baina diskoaren izenburua ere bada berezia, ‘Éramos felices y no lo sabíamos’ baita, nostalgia kutsua duena, modu tristean. Hanka puntetan sartu dira musikaren eszenan, isilik, eta egin dutena pauso sendoekin egin izanagatik daude orain halako zigilu garrantzitsu baten aterkipean».
Rodeo - Hybris
Rodeo taldea ekarri du hirugarren tokian Iker Bárbarak. «Greziar mitologia eta langile klasearen borroka uztartu dituzte Hybris diskoan, Prometheoren bidaiaren hirugarren atala. 9 kantu ditu diskoak eta Bonberenea Ekintzak zigiluarekin aterako da, abenduaren 7tik 11ra hau ere Durangoko Azokan eskuratzeko moduan izango da, bertarako aterako duten edizio berezi batekin», azaldu digu MusikHaria saioko kolaboratzaileak.
Ginger - Paradisuak sutan
Ginger taldea Tarragonan eta Bartzelonan ibili ostetik Rockein lehiaketako 10. edizokoeko finalean izango da azaroaren 18an, ostiralarekin, Arde Marte eta Silitia taldeekin batera; Iker Bárbara bertako epaimahaian dago: «Talde honek lehen singlea iaz kaleratu zuen, ‘Ixo’, uste dut hona ekarri nuela, eta aurten diskoa kaleratu dute eta ihes egin zidan kaleratze horrek. Bi urteko ibilbidea dute eta ikusiko dugu zer eskaintzen duten niretzako lehenengoa izango den kontzertu horretan, soinu potentea dutelako».
Verde Prato, Kortatu eta minimal musika Iker Bárbararen eskutik
Rockaren atmosfera desberdinetan murgildu gara Iker Bárbararen eskutik
Ipar Euskal Herritik datozen hiru musika proposamen ‘Zarata’ tartean
Bi pertsona, ‘Hiru ate’
«Errealitatearen analisi sakon baten falta egon da eta beti formula berak errepikatu dira»
Komunikazio estrategiak eta kantu berriak
Kontxako bandera zuzenean, NAIZ Irratian
«Iazkoa hobetzea zaila izango da, baina horretan jarri behar dugu arreta»
«Sistema berria atera bitartean, polita litzateke berdin sentitzen garenon dimisioak pilatzea»
«Uste dut gaitasuna erakutsi dugula kantxa osoan jokatzeko»
«Txirrindularitza osatzen dugun familia alde batera utzi dute»
