Saio berezia izan da benetan aste honetakoa. Noizean behin egin ohi dugun moduan, DJ-a den lagun bat gonbidatu dugu gure ∫atelitearen bolantea hartzera 136. edizio honetan. Ope Loeb handia izan da zehazki plateren atzetik bere soinu paleta entzuleei aurkeztu dien DJ-a, baita maisuki aurkeztu ere.

DBDB Club Night gauetan ohikoa izaten da bere presentzia, baita beste zenbait ekitaldi eta jaialditan ere. Argitsuak eta atmosferaz beteak izan ohi dira bere saioak, melodia eta erritmoak ederki elkarbanatuz. Gaur entzun dugun saioan, aurrez aipaturiko guztia egia dela frogatu digu. Geldo hasi eta erritmo biziz amaitu duelako Opek gurean, hori bai, beti bezain elegante. Goza dezazuela!