Ainara Azpiazu Aduriz 'Axpi' ilustratzailea artez inguratuta bizi da. Baina gaurkoan, hirugarren arteari buruz galdetu beharrean, laugarrenaren inguruan aritu gara; musika. Izan ere, ilustratzaile hernaniarrak erlazio berezia du musikarekin. 

«Hamar urte pasa ditut isiltasunean lanean, baina azken urtean berreskuratzen ari naiz lanean musika entzuteko ohitura» aitortu digo hernaniarrak. Aspalditik datorkio musikazaletasuna, «nerabea nintzenean autostop egin eta kontzertuetara joatzen nintzen». Horregatik, zerrenda berezia osatu digu.