Addar taldearen «Sugarra» diskoa, kresal usaina duen rock&rolla

Bi urte bete berritan, beren lehen diskoa kaleratu dute 'Addar' talde bermeotarreko kideek. Orain arte bestelako proiektuetan aritu diren musikariak elkartu eta rock&rolla euskaraz egiteko beharrak, bost kantuko lana ekarri du.

Loading player...
Iker GURRUTXAGA|2020/04/16
P2020606
Addar taldeko kideak gogo handiz daude beren musika jendaurrean jotzeko.

Gorka Padrones izan da 'Musikharia' saioan 'Addar' taldearen lehen lanari buruz hizketan. Addar zubereraz deabruari deitzeko erabiltzen den hitza da, eta deabruen musikatzat hartu izan da urte askotan rock&rolla.

2018an elkartu eta kantuak egiten hasi ziren taldekideak, hala 2019ko bukaeran Xanperen Bilboko Koba estudioetan sartu eta bost kantu grabatu zituzten. «Kantu gehiago ere bagenituen, baina, estudio batean sartzeak eskatzen duen esfortzu ekonomikoa handia da gu bezalako talde batentzat, eta, ondorioz, hainbat abesti grabatu gabe geratu dira», kontatu digu Padronesek.

Zuzenekoen zain, «jendeak orain musika entzuteko denbora gehiago duelakoan» kaleratu dute Sugarra diskoa, ohiko plataforma digitaletan entzuteko moduan dagoena.

Sua eta ura batzen dituen lana, Bermeoko kresalaren eraginez sortzen den infernuko deabruen musika, hori da 'Addar' taldekoek eskeintzeko dutena.

 

ERLAZIONATUTAKO ALBISTEAK

FM Bilboaldea 92.2 · Gasteiz eta Lautada 91.5 · Donostialdea 93.8 · Durango 97.4 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia