'Ahaztuko badut' abestia amaren alzheimerra zela eta sortu zuen Maddi Zubeldiak. Hurbilekoa du gogoratu ezinak eragiten duen sufrimendua, are gehiago norbera kontziente bada galera horrekin. Izan uda edo negu, itsasoan hartzen du bainoa ia egunero, han uzten ditu tentsio denak. Hitz egiteko moduagatik nabari da ideiak eta gogoetak era errazean plazaratzen dituela, denek ulertzea nahi baitu Zubeldiak. Solasaldian ez du galdu bertute hori, gertuko emakumea da, xume eta euskal kulturarekin engaiatua.

Maddi Zubeldia Donostia jaio zen 1961ean, baina gaztetan joan zen Ipar Euskal Herrira. Idazlea (hiru eleberri eta antzerkirako liburu bat), bi disko H-eden taldearekin eta bakarka beste bat. Ofizioz irakaslea izan da, egun erretreta garaian dago. Zubeldiak idaztea eta abestea du gustuko, baina bat edo beste aukeratzea eskatu diogunean, ez du argi izan. «Idazle-abeslaria»da, baina baita «abeslaria den idazlea» ere. Hemen solasaldian entzungo diren artistak: Maddi Zubeldia, H-den, Lourdes Iriondo, Umana (Zubeldiatarren taldea), Eñaut Elorrieta eta Maite Larburu.