Bastoien zaldunak sua gorpuzten du, suaren adierazpen gazte eta neurrigabea da. Pasioak gidatzen du, grina du iparrorratz eta aldarri. Baina aldi berean, suaren esanahiaren bila dabil, ez baitu guztiz ulertu oraindik bere esentzia.

Rockstarra da bastoien zalduna: live fast, die young. Batzuetan min egiten diguten egoera edo momentuetatik ihes egiteko behar dugun jarrera da, aurrerantz egiten den ihesaldia. Energia handia duen pertsonaia da, baina dispertsioa eta noraeza dira bere alde makurra.