Inoiz ez da berandu irratsaio bat hasteko, eta San Fermin bezperetan hasi dugu 'Iruindar Berriak' saioa. Iosu Martik eta Maite Bidartek astero ekarrizko dizkigute hiri buruzagiko kontuak. Lehen saioan Etxikide kooperatibako Itziar Agirrebeitia, Joseba Beramendi diseinatzailea eta Sarai Robles bertsolaria gonbidatu ditugu gurera. Etxean bezala sentitu gara, etxeko saloitik abiatu baitugu 'Iruindar Berriak'.

San Fermin giroan murgildu gara lehen saioan. Festa eder hauek irudikatzen duten kartela erabakitzeko garaia baita, herriak du azken hitza. Guk Joseba Beramendi 'Xprai' diseinatzailearekin aztertu ditugu hamar aukerak. Argi du zein den bere faboritoa.

Etxebizitzaren afera bada kezka iturri Iruñean ere eta txanponaren bi aldeak ezagutu ditugu. Etxekideko kooperatibako Itziar Agirrebeitiarekin hitz egin dugu Iruñeko udaletxeak baimena eman baitu lanak hasteko eta dena ongi bidean uztaila erdialdira hasiko dira Nafarroako lehen cohousina eraikitzeko lanak. Txanponaren beste aldea ikusarazteko gurera hurbildu da Sarai Robles. Etxe bila dabil orain, (munduko zorterik onena opa diogu, beharko du eta) etxe bat bizitzeko, lotarako eta sortzeko. Virginia Woolf idazleak gela propio bat eskatzen zuen...,akaso, gure belaunaldiak komun publikoekin konformatu beharko du?