Jende askok boy banden fenomenoaren hasiera Beatlemaniarekin lotzen duen arren, teknikoki Liverpoolgo taldea ez zen boy band bat izan: hauen ezaugarri nagusietako bat kideek instrumenturik ez jotzea da; soilik abestu eta performatzera dedikatu behar dira. Halaber, askotan gertatzen den bezala, boy banden aurretik historiak girl band batzuk ere eman dizkigu, iraganean galduta gelditu direnak: lehen proto-girl band kontsideratzen direnekin hasiko dugu saioa, The boswell sisters.

60-70 hamarkadek pare bat boy band entzutetsu eman zizkiguten: The Monkees bata, eta Jackson 5 bestea. Dudarik gabe, ordea, urrezko garai eztabaidaezin bat iritsiko zen mota honetako taldeentzako: 90. hamarkada. Garai honetan apur batez luzatuko gara, Estatu Batuek eta Britainia Handiak eman dizkiguten talde arrakastatsuak aztertzeko: The Backstreet boys, NSYNC, Take That, Westlife edota The Spice girls.Denak aurre-fabrikatuak, denak atzean istorio ilunak gordetakoak, eta denak hurrengo hamarkadan banantzen hasiko zirenak.

Saioa gaur egungo panoramarekin amaitukop dugu: 2010. hamarkadan talent showek sustatutako girl eta boy bandak ezagutu ostean, egungo banden fabrikarik indartsuenean amaituko dugu: K-pop fenomenoa.