Aurtengo otsaila azken aldian geroz eta entzunagoak diren albisteetako batekin hasi dugu: Gasteizko Letren Fakultateko hainbat ikaslek salaketa anonimoak egin dituzte irakasle batek egindako erasoen inguruan. 

Jazarpenagatik eta ukituengatik salatu zuen lehenak sare sozialen bitartez, eta honek kate bat ekarri zuen; salaketa gehiago, edo izenik esan behar izan gabe irakaslea nor zen zekiten ikasleen babes mezuak.

Egoera honen aurrean Gasteizko Unibertsitateetako Emakume Taldeak erantzun bat eman nahi izan dio eta erantzun horren parte da gaur Bigarren Kafea saiora ekarri dugun erreportajean kontatzen dena.