Otsailaren 1eko Gramofonoan, hainbat jaiotza data eta heriotza gogoratuko ditugu. Horien artean, Maria Elena Walsh poeta, kantautore, gidoilari eta idazle argentinarrarena. Bertzalde, Bob Shanen inguruan ere ariko gara, The Kingston Trio taldeko abeslari eta gitarjoleetako bat. Gainera, Everly Brothers bikotea osatu zuten bi anaietako bat ere gogoratuko dugu, Don Everly. Eta Claude Françoisen heriotza goiztiarraz ere mintzatuko gara. Horretaz gain, Rick James, edo Super Freak bere kantu ospetsuaren harira irabazitako ezizenez ezagun egin zen musikari handiaren bizitza ere errepasatuko dugu. Eta heriotza misteriotsuen atalean, Maniac Street Preacher taldeko Richey James Edwardsi gertatutakoa ere izanen dugu hizpide. Saioa Euskal Herrian bukatuko dugu. Bertako izen handienetako bat zorionduz, Erramun Martikorena.