Musikazale amorratua da Alex Larrañaga. Ikus-entzunezko Komunikazioa ikasi ostean, bidaiatzen hasi zen eta Donostiara itzultzean, motxila marka bat sortu zuen, Pohorylle. Donostia eta Zarautz artean diseinatu eta josten dituzte, muusika entzuten duten bitartean. 

Bere bizitzako lau abesti aukeratzeko eskatu, eta zerrenda ederra osatu digu 'Doinuetatik Haratago' tartean. Lehenengoa, Sorotan Beleren abesti bat, «txikitatik oso bihotzean eraman dudan taldea». 

«Nostalgiari jarraituz, gurasoek entzuten zuten musika» aukeratu du bigarren abestirako. Hirugarrena aldiz, unibertsitateko sarbidea prestatzen ari zen garaikoa. «Pop eta hip-hop nahasten zuen taldea deskubitu nuen; entzuten hasi eta buruak eztanda egin zidan». 

Amaitzeko, aurrekoekin zerikusirik ez duen kantu bat aukeratu du. «Italieraz da, ez genuen ulertzen, baina abestu eta dantzatu egiten genuen gaueko giroan».