Zuzenean
Esan Ozenkiren 30. urteurrenari buruz ‘Badok’ tartean
Hamar urte eta 200 disko pilatu zituen Esan Ozenki zigiluak bere ibilbidean. Haietako lehenaren berrargitalpena kaleratu dute gaur, Negu Gorriak taldearen ‘Gure jarrera’ diskoarena eta horren aitzakia baliatuz, diskoetxeak eman zuenari buruz aritu gara hizketan Jon Eskisabelekin MusikHaria saioan.
Esan Ozenkiren 30. urteurrenari buruz ‘Badok’ tartean
Esan Ozenki zigiluak 30. urte betetzen dituen honetan Elkar argitaletxeak gaur, apirilaren 20an, Negu Gorriak taldearen ‘Gure jarrera’ diskoaren binilo bikoitzeko edizioa atera du. Kasualitatez (edo ez), gainera, Fermin Muguruzak 58 urte betetzen dituen egun berean jazo da gertaera. Jon Eskisabel Badok atariko arduradunak MusikHaria saioan kontatu digunez, edizio hori argitaratzeaz gainera, material ugari jarriko dute publiko zabalaren eskuragarri Esan Ozenki zigiluaren izenean sortu duten YouTubeko kanalean.
Efemeride horri tiraka, Esan Ozenkiren katalagoko hainbat erreferentzia ekarri dizkigu Jon Eskisabelek aste honetako ‘Badok’ tartera:
– Negu Gorriak - Lehenbiziko bala
– Xabier Montoia - Argiarren etorrera
– Anari - Desnúdame, desnúdame
– DUT - Ezjakintasunaren kateak suntsitu
‘BTN’ Elizondo: Puntutakoa tortura bat da epaileentzat, plazerra bertsozalearentzat
«Askatasuna izan da filma egiteko izan dugun iparroratza»
Desgaraian gauden aldi honetan...
Gaur gara biharko memoria
«Zuzenean bakarrik jotzeari nion beldurra gainditzeko balio izan dit lan honek»
