

En directo 14:00h - 15:00h
KirolHaria
15:00h - 17:00h
Zebrabidea
17:00h - 18:00h
Gelditu Makinak
Aldaketa guztiak pausu bat emanez hasten direlako, pausoz pauso suspertu euskara
Euskararen erabilera bultzatu eta babesteko Iruñeako Udalak euskara sustatzeko planaren zirriborroa sortu du. Xehetasun ororen berri Aitziber Campion Iruñeako Udaleko parte hartze eta euskara zinegotziak NAIZ Irratian eskaini duen elkarrizketan eman ditu.

Aldaketa guztiak pausu bat emanez hasten direlako, pausoz pauso suspertu euskara

Urte aunitz dira euskararen erabilera eta ezagutzak ez duela igoera nabarmenik izan Iruñean. Egun, Iruñeako Udalean ordezkaturik dauden alderdiek euskararekiko iritzi eta jarrera guztiz desberdinak dituzte. Hori dela eta, euskara sustatzeko lehen urrats gisa, zirriborroaren bitartez akordio politiko bat ezartzea ezinbestekoa dela adierazi du Campionek.
Azken udal batzordean aurkeztu zen lehen zirriborroa eta gainontzeko alderdiei epe bat zabaldu zieten beraien ekarpenak egiteko. «Dokumentuaren bokazioa adostasun baten bitartez euskara sustatzeko adostasunak sortzea eta euskara hizkuntza gutxitua dela onartzea da». Egitasmoak ordea erantzun desegokia jaso du gainontzeko alderdiekiko «euskararekiko obsesioa» kritikatuz.
Ildo beretik, euskararen prestigio plana sustatzea ezinbestekoa da Campionen arabera. Euskararen prestigioa sustatzeak erabilera eta ikaskuntza igoeraren «gakoa» izan daitekeelako. Iruñeak hiri bezala duen testuinguru konplexu eta aniztasunak euskara kohesiorako elementu beharrezko bihurtzen du. Alor horretan bereziki, udalak «berebiziko paper bat du euskararekiko atxikimendua handitzeko».
«Iazkoa hobetzea zaila izango da, baina horretan jarri behar dugu arreta»
«Begiratua izatea gustatzen zait, baina bestearengan hausnarketa bat eragiteko»
«Barrera psikologiko potentea izan da niretzat bertan parte hartzea»
«Txapelketa zaila izan da, baina ilusioa eta gogoa ez dira falta izan»
