2014an ekin zion Aritz Irastorzak Apalatxe modura jotzeari. Bakarlari formatuak ez zion asko iraun eta azken 6 urteotan hainbat kiderekin aritu da. Infinito eta Amalgama diskoen ostean, joan den abenduan plazaratu zuen Apalatxek Egarriz lana. 
Taldekideak aldatzen ibiltzeak aukera ematen du aldiro ukitu berriak emateko doinuei. Apalatxeren esentziak berdin dirau, baina nork lagunduta jotzen duen, ñabardura desberdinak dituzte kantuek.