Hego Euskal Herrian 11.135 positibo kasu zenbatu zituzten atzo, urtarrilaren 2an. Gauzak horrela, etxean konfinatuta daudenak ez aspertzeko ikus-entzunezkoen zerrenda osatu digu Idoia Dávila Uzkudunek. 

'Return to Hogwarts' - HBO Max

20 urte igaro dira 'Harry Potter' sagaren lehen filma estreinatu zutenetik. Urteurrena ospatzeko, bilera nostalgiko moduko bat antolatu dute, filmetako aktoreei egindako elkarrizketen bitartez. Harry, Ron eta Hermione 

Daniel Radcliffe (Harry Potter), Emma Watson (Hermione Granger) eta Rupert Grint (Ron Weasley) dira atal berezi honen protagonistak, baina beste zenbait antzezle ikusteko aukera izango dugu: Tom Felton, Evanna Lynch, Bonnie Wright, Robbie Coltrane, Helena Bonham Carter, Gary Oldman, Ralph Fiennes, Jason Isaacs… 

'Being the Ricardos' - Prime Video 

Aaron Sorkinen lan berria da 'Being the Ricardos'. Sorkinek 2017an zuzendu zuen bere lehen filma (Molly’s Game), hau hirugarrena du, baina ibilbide oso luzea du gidoigintzan (The Social Network, Moneyball, The West Wing),

Kontakizun honen protagonistak Lucille Ball (Nicole Kidman) eta bere senarra dira (Javier Bardem). Filma ‘I Love Lucy’ telesail historikoaren aste konplikatu batean kokatzen da; Lucilleri komunista izatea egozten diote eta bere mundua hankaz gora jartzen da. 

'El páramo' - Netflix

Lucía, bere senarra eta haien semea bakarrik bizi dira, gizartetik aldenduta. Horregatik, espazio bat sortu dute non dena kontrolpean duten, edo horrela dirudi behintzat. Baina piztia baten kondairaren ondorioz, mehatxua sumatzen hasten dira. 

Beldurrei buruzko pelikula bat da, eta zuzendariak dioenez, bere aitaren heriotzak sortutako sentimenduak esploratzeko idatzi zuen gidoia.  

'The Book of Boba Fett' - Disney+ 

Disney-ek erosi zuenetik, Star Warsen unibertsoa Marvelen bide berdina ari da jarraitzen; trilogia berria eta orain, gainera, telesail andana bat. 

'The Mandalorian' izan zen lehena, baina Obi-Wan Kenobiren, Lando Carlissianen eta The Mandalorian beraren spin-offak iritsiko zaizkigu aurten. 'The Book of Boba Fett'ek ia nahigabe sortu zuten pertsonaia baten historia kontatzen digu; 9 filmetan 6 minutuz agertzen den eta 4 esaldi dituen Boba Fettek fan ugari ditu, eta orain telesail propioa du.

Lehen atala Robert Rodriguezek zuzendu du eta guztira zazpi atal izango ditu. 

'The Larkins' - Filmin

 50eko hamarkada amaierako Kenteko familia baten kontakizuna da 'The Larkins'; H.E. Bates idazlearen ’The Darling Buds of May’ eleberri klasikoan dago oinarrituta. 

Komedia honek 60 minutuko 6 atal ditu, eta Ingalaterran atal bakoitzak 4 milioi ikusletik gora izan ditu; telebistako feel-good fenomenoa billakatu da.