Iñaki Galdos Irazabal euskal politikari eta hizkuntzalaria kirolzalea zela bagenekien. Baina kirola alde batera utzi eta musikaz galdetu diogunean, musikazalea sutsua dela konturatu gara. «14 urte nituela hasi nintzen musika bandan saxofoia jotzen» kontatu digu, baina hamarkada luzez diskorik erosi edo kontzertuetara joan gabe egon dela aitortu digu.

Hala ere, hamar abesti kuttunen zerrenda osatua zuen, eta guk horietatik lau aukeratzeko eskatu diogu 'Doinuetatik Haratago' podcastean. Ez du aukeratu, baina argi eta garbi esan digu: «Bizitza honetan gehien markatu nauen konpisizioa Aita Madinaren Aita Gurea da».