Pasa diren bi asteak Ameriketako Estatu Batuetan igaro ditugu, Kalifornian zehazki. Eta inguruetako musika entzuten jarraituko badugu ere, New York hiri handira egin dugu astelehen gau honetan salto. Bada zer entzuna eta errepaso txukuna bezain zabala egin diogu. Ez dugu inolako zalantzarik izan ere, berrikuntza musikalei tartea egiterako garaian, aurkikuntza itzelak egin baititugu beste behin ere.

Oraingo honetan ordea, ez dugu efemeride musikalarekin hasi nahi izan saioa. Betiko formatua hautsi eta saioan bertan kontatu dugun berezitasunagatik, 'The Soul Jacket' musika talde galiziarraren kantu batekin ekin diogu ibilbide musikalari. 2004.urtean ekin zioten musikaren munduan murgiltzeari eta 'Let Me Stand' izenpean eman dute ezagutzera kaleraturiko beraien azken diskoa.

Hauek dira entzun ditugun kantuak: