Udaberriko oporrak amaitu dira eta berriro ere Reggae Sukarra, goraino igotzeko tartea hartu dugu ostegun honetan Naiz irratian. Alton Ellis izan da asteko klasikoaren tartean protagonista nagusi, eta hori gutxi balitz, berarekin zerikusia duten nobedadeak ere jorratu nahi izan ditugu gurean.

Behin nobedadeen inguruan hitz egiten hasita ordea, ez dugu alde batera utzi nahi izan Bass Lee ekoizle bilbotarraren lan berria. Entzuteko aukeraz ondo baino hobeto baliatu baikara eta bere katalogoari ere errepaso txiki bat egin ahal izateko aukera izan dugu. Saioa amaitzerako ordea, jatorrizko kantuari zein moldaketari ere begirada bat egiteko minutuak ehuneko-ehunean aprobetxatu ditugu.