Oraingo honetan 'Reggae Fever' saioa, egunekora egokituta etorri dela esan beharko genuke. Atzo bertan agur esan zigun artista bati omenaldia egin nahi izan baitiogu, bera da Ewart Beckford edo askok ezagunago izango duzuen modura U-Roy. 78 urterekin zendu da eta artista bikaina zela esateko hamaika arrazoi ditugu, gauzak horrela, berari eskaini nahi izan diogu asteko klasikoa.

Horren ondoren ordea, nobedadez bete nahi izan dugu ostegun gaua ere eta 'Tacumah', 'Time To Roots Records' eta 'Chill Mafia'ren lanik berrienak entzuteko tartea ere hartu dugu. 49. saioa ez da nolanahikoa izan, baina kontuan hartu datorrenean ere reggae sukarra, ona izango dela!