Nazioarteko poparen eta Euskal Herriko musika-proposamenen arteko kontrasteak izan dira protagonista Konnemararen laugarren eta azken 'Beste Bat' saioan. Oraingoan ere, estilo eta garai ezberdinetako abestiak uztartu ditu, entzuleei erreferentzia musikal askotarikoak ezagutzeko aukera eskainiz.

Ouineta, Julia Jacklin, Mikel Laboa, La Zowi, Verde Prato, Lana Del Rey, Merina Gris eta Shego bezalako artisten lanek osatu dute hautaketaren zati handi bat. Horiez gain, UDDA, Vegyn, Air, Oskorri eta Frank Oceanen musika ere entzun da. Konnemararen 'Kamarada (Gose)' abestiak eman dio amaiera ibilbideari, lau saioetan zehar proposatutako musika-aniztasunari azken ukitua emanez.

Hauek dira saioan entzundako abestiak:

Ouineta — Ivysaur
Julia Jacklin — Head Alone
Mikel Laboa — Ihesa Zilegi Balitz
La Zowi, Albany eta Pipo Beatz — Sugar Mami
Verde Prato eta BRONQUIO — Maite, Nauzu Zeharkatu
Lana Del Rey — Mariners Apartment Complex
Merina Gris — Irteera
Shego — Vicente Amor
UDDA eta xabbi — ESAN
Vegyn eta Air — Sexy Boy (Vegyn version)
Oskorri — Adios, ene esposa
Frank Ocean — Nikes
Konnemara — Kamarada (Gose)