Uda sasoia beroa izaten ari da aurten denontzat. Bereziki Gasteizen gogor jo du bero boladak, baina denek ez dute eskura aire girotua. Errekaleorren halakorik ez dugu topatu, baina bai bizitzeko modu desberdin bat hautatu duen jendea.

Proiektu pertsonala eta kolektiboa uztartzen dituen espazioa da Gasteizko auzo askea eta bertako biztanle diren Miren Alcantara, Piter Juez eta Jokin Segoviaren eskutik hango egunerokoa nolakoa den jakin nahi izan dugu Kosta ala kosta saioan.