Urizarrek azpimarratu du funtsezkoa dela prozesu osoan arreta berezia jartzea: «Tirada txikiak izan behar dira zuk kalitate kontrola mantentzeko. Mimoz manejatu behar dira produktuak ahal bezain bikainak izateko». Eskala txikiko ekoizpenak kalitatea bermatzeko kontrol handiagoa ahalbidetzen du eta.

Bestalde, txokolate eta kakaoaren industrian estandarizaziora bideratzen dela era azaldu digu. «Txokolate industriala aspergarria da. Ez da aldaketarik sortzen, dena estandarizatuta dago.» Arrazoi nagusia industriak oinarrian dagoen nahasteko defektu guztiak estaltzearena dela gehitu digu. Askotan, kakaoaren gehiegizko errekuntzak akatsak ezkutatzen ditu, eta horrek zapore mingotsagoak sortzen ditu: «Mingostasuna ia erre egiten dutelako topatzen da». Kalitate maila ezberdinetako kakao nahasketek azken produktuaren nortasuna lausotzen dutela ere esan digu Urizarrek.

Horretaz gain, txokolatearen zaporeak ondo ezagutzeko eguneroko entrenamenduaren garrantzia nabarmendu digu. «Txokolate sumillerra izateko, egunero entrenatu behar da». Zapore ñabardurak bereizteko edo txokolate industriala identifikatzeko gaitasuna praktikarekin lantzen da: «Industriala berehala arrapatu daiteke», izan ere, «industrialarekin zapore arraroagoa» nabaritzen da eta .