Etxe honetan Savages, aurreko hamarkadan indie planetarioa dardarazi zuen Londresko taldea, gogoan dugu eta horregatik kanta berri bat entzun dugu eta 2013ko ‘Silence Yourself’ bikaina berreskuratu dugu. Horrez gain, J. Tillman a.k.a Father John Misty eta Gartxotekin tristuran nabigatu gara eta iaz galdutako disko bat berreskuratu dugu ere (Phisis Vs Nomos). Zarata pixka batekin eta merezitako agurrarekin itxi dugu saioa: Tooth talde gernikarrari agur esan diogu.