Euren amen heriotzaren inguruko bizipena elkarbanatzean egin zuten topo Urtzi Ugaldek eta Pilar Kaltzadak. Azken Kafea podcastaren lehen gonbidatua da kazetari ezaguna. Heriotzaren osteko dolua, heriotzaren tabuak, esaten direnak eta esan ezin direnak... izan dituzte hizpide. 

Azken Kafea podcasta «heriotzari buruzko podcast bizia da», egilearen esanetan. Asteartero 18.00tan atal berri bat NAIZ Irratian eta ondoren webgunean eta podcast plataformetan. Hurrengo gonbidatuak: Nerea Olaziregi, Iñaki Peña, Amaia Madariaga, Oihane Arriaran, Mikel Baza, Leire Markuerkiaga, Julene Illarramendi, Ane Izagirre, Mari Luz Esteban eta Aitziber Garmendia.