Orain Entzutenen musikarekin jolastea maite dugu... eta musikak gitarrak baldin baditu, hobe. Ondorioz, kantu zerrendak egitea eta ez dakit noizko 10, 20 edo 30 diskorik onenen sailkapenak eraikitzea eta horien inguruan eztabaidatzea gure pasio kuttunen artean dago.

Horregatik hilabete honetan geratzen diren hiru saioetan XXI. Mendeko eta 2025eko diskorik onenen zerrendak proposatuko ditugu helburu jakin batekin: jolastearena; hau da, kanta, disko edo artista berriak ezagutzeko aukera sortzea. Eta besterik gabe, zuen nostalgia pizten badugu ere, nola ez, zoriontsuak izango gara. Gaur XXI. Mendeko lehen laurdenaren hamar diskorik onenak errepasatuko ditugu zuen gustukoak izango direlakoan.