En direct
Bi ligetako oilarrak garaitu dituzte Zarauzko Ikurrineko bigarren jardunaldian
Donostiarrak Zarauzko Ikurrina astindu du, bigarren jardunaldian Urdaibairi zazpi segundo aterata. Tolosaldeak igandeko estropadan "Lugañene"-ri irabazi arren, ez du lortu banderarik astintzea. Igor Makazaga Donostiarrako entrenatzailearekin eta Ane Zelaia Tolosaldeko arraunlariarekin aritu gara.
Bi ligetako oilarrak garaitu dituzte Zarauzko Ikurrineko bigarren jardunaldian
Amaitu da Euskotren Liga: Arraun Lagunakek irabazi du bigarrenez jarraian garaikurra. Historia egin du Juan Mari Etxabek prestatutako eskifaiak ligako hamabost banderak astinduta. Nagusitasun handia erakutsi du ‘Lugañenek’ eta ez du apurrik utzi gainerako traineruentzat.
Arraun Lagunakeko arraunlariek hartu zituzten asteburuko lerroburu guztiak, baina ‘Lugañene’z gain, asteburuan beste bi traineruk ere zeresana eman zuten. Horiek dira Donostiarra eta Tolosaldea.
Arkaitz Diaz patroi, "Torrekua II" ontziak Zarauzko Ikurrina irabazi zuen, bigarren jardunaldian Bermeo gailenduta. Sasoiko lehen bandera eskuratu dute donostiarrek.
Euskotren Ligan, berriz, Lugañenek irabazi bazuen ere Zarauzko Ikurrina, ez du lortu ligako 16 estropadak irabaztea. Azkenekoan Tolosaldea gailendu zitzaion. Lehen garaipena du klubak urrezko mailan. Bandera astintzeko momentua, baina, ez zaie iritsi oraindik. Berandu baino lehen helduko zaie saria arraunlariei, bigarren postuan amaitu baitute liga.
Igor Makazaga (1972, Pasaia) Donostiarrako entrenatzailearekin eta Ane Zelaia (2003, Belauntza) Tolosaldeko arraunlariarekin hitz egin dugu.
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Derbiak eragindako tentsioarengatik, jokoa agian zikinagoa da; eraginkorrak izan behar dugu»
«Joko aldetik ez dugu hasiera ona egin, baina garaipen oso garrantzitsuak lortu ditugu»
