Apirilaren 22an Pello Reparaz Zetak taldeko musikari arbizuarraren urtebetetzea izan zen. Baina egun berean, ospatzekoak bakarrik ez, gogoratzekoak ere bai. Astelehenean bete zirelako 10 urte Richie Havens folk musikaria zendu zela.

2015eko apirilaren 24an Sid Tepper, bertze kantari batzuentzat ehunka kantu idatzi zituen kantugile estatubatuarra zendu zen.

1917ko apirilaren 25ean jaio zen “kantuaren lehen dama”, Ella Fitzgerald jazz abeslari bikaina.

2013ko apirilaren 26an zendu zen George Jones country abeslaria.

1947ko apirilaren 27an jaio zen St. Louisen Ann Peebles soul abeslaria. Eta orain bederatzi urte zendu Jack Ely, The Kingsmen taldearen jatorrizko abeslaria.