Egun seinalatuan heldu zaigu aste honetako Gramofonoa. Martxoaren 8a Emakumezkoen Nazioarteko Eguna izaki, emakumeei eskeiniko diegu saioa. Horrela, Carole Bayer Sager abeslari, letragile eta konpositore estatubatuarra zorionduko dugu; Baita Peggy March, abeslaria eta Anneke van Giersbergen musikari herbeheretarra ere. Horretaz gain, Chabuca Granda abeslari perutarra eta Inezita Barroso brasildarra gogoratuko ditugu. Eta saioa, Whitney Houstonen ahots indartsuarekin itxiko dugu.