En direct
«EBk azalaren kolorearen arabera erantzun ezberdinak ematen dituela salatu nahi dugu»
Bidasoako uretan Ibrahima Diallo gaztearen gorpua agertu ostean, elkarretaratze berri bat deitu du Irungo Harrera Sareak Diallorena ekidin zitekeen beste heriotza bat izan zela salatzeko. EBren migrazio politika salatu du harrera sareko Ion Arangurenek.
«EBk azalaren kolorearen arabera erantzun ezberdinak ematen dituela salatu nahi dugu»
Pasa den asteazkenean Ibrahima Diallo gaztearen gorpua topatu zuen Guardia Zibilak Bidasoako uretan. Diallo martxoaren 12 desagertu zen, korridore seguruen faltan, Bidasoa ibaia zeharkatu nahian. Bidasoan edota mugatik gertu hiltzen den 8. migratzailea da.
Diallo oroitu eta «Europar Batasunaren goi mailako arrazakeria» salatzeko batu dira gaur (apirilak 2) San Juan Plazan, Ion Aranguren Irungo Harrera Sareko kideak azaldu duenez. Ukrainako gerratik ihesi doazen errefuxiatuekin alderatuz, bistakoa da, europar erakundeen jarrera zeharo ezberdina dela Afrikatik edota Asiatik datozen migratzaile eta errefuxiatuekiko. «EBk azalaren kolorearen arabera erantzun ezberdinak ematen dituela salatu nahi dugu» adierazi du elkarretaratzea hasi berritan, Ion Arangurenek.
Silvio Rodriguez euskaraz, Jon Maiaren eskutik: ‘Nostalgia’
‘Sinbiosia’ nafarroako kultura eta natura gurutzatzen dituen podcasta
«Orain mina ematen dit ‘joko’ hitza entzuteak baina gerora gehiago baloratuko dut ikasitakoa»
«Zenbat eta gehiago begiratu Bartzelonari, orduan eta txikiagoak egingo gara»
Arnold Schoenberg Ignacio Arakistainen eskuetatik
