Atzoko saioaren ondotik, gaurkoan ere sabaia joaz gerturatu gara Naiz Irratiaren uhinetara. Musika talde ugari bildu nahi izan ditugu 60 minutuko sesio musikalerako. Swing, rockabilly, rock eta punka nahasten dituzten 'Kings of Nuthin' taldekoak izan ditugu alde batetik. Bryan Setzer Orchestra edo Cherry Poppin Daddies estatubatuarren kantuak entzun ahal izateko tarte bat ere egin dugu. Baita Bilboko Boogie Punkersenak ere. Nahasketa itzela izan dela esan genezake beraz aipatutako horiek tartean baditugu, entzun gabe geratzea merezi ez duen saio horietako bat izan baitugu.