En direct

NAIZ Irratia Durangoko Azokan da

Berezia ari da izaten Durangoko Azokako 56. edizio hau, Covid-19 neurri denak beteta, iaz ez bezala Landakoko kaleak euskal kulturzalez bete dira. NAIZ irratia ere bertan da, gaurtik aurrera zuzenean egingo ditugu 'Musikharia' saioa eta 'Bigarren Kafea' saioa.

Musikharia saioa Durangoko Azokatik
Musikharia saioa Durangoko Azokatik

Euskal kulturarentzat zita garantzitsua da Durangoko Azoka. Landakoko disko eta liburu azoka ez ezik, aurrera doaz liburu eta disko aurkezpenak. Antzerkiak eta ikus-entzunezkoak ere badute bere tokia, baita mahai inguru eta hausnarketa plazak ere. Eta bai, eguneko egitaraua behin amaituta ere, proiektu berriak egosten dira Durangon. NAIZ irratia ere bertan izanen da, abenduaren 6tik 8ra Durangotik egingo ditugu Musikharia saioa (10:00-12:00) eta Bigarren Kafea (16:00-18:00). Gure estudioetatik pasako dira musikari, idazle, ekoizle, editore eta kultur industriako beste eragile asko.

Iker Gurrutxagak gidatutako Musikharia saiotik musikari izango da protagonista noski.  Abenduaren 6an, Jabi Patxon, MacOnak eta Hibai gerturatuko dira Gurrutxagarengana.  Asteartean, Nax Agirre, Maren eta Willis Drummond eta abenduaren 8an, Giante, Nahiak Nahi, Zelanda eta S.A.D. 

Arratsaldeko Bigarren Kafea saiotik ere euskal sortzaile asko pasako dira. Abenduaren 6an, Mikel Urdangarin, Harkaitz Cano, Alaine Agirre eta Booktegiko Amaia Arakistain eta Aritz Branton. Abenduaren 7an Naiz Irratiko plazatik pasako dira, Estitxu Pinatxo, Leire Vargas, Goizane Aizpurua eta Xabi Bandini. Asteazkenean, Iker Lauroba, Musika Zuzenean proiektuko Koldo Otamendi eta Alberto Barandiaran idazlearekin hitz egiteko aukera izango dugu.

Jaurlaritza Logoa