Bostongo Pixies taldeaz aritu ginen aurreko saioan, eta hala jarraituko dugu honetan ere. Lehen bi diskak aurkeztu genituen aurrekoan, 'Come on Pilgrim' eta 'Surfer Rosa' eta hirugarrenarekin abiatuko dugu saio hau. Doolitle (1989). 

Taldearen estiloa punkean eta indie rockean oinarritzen da, eta, oso melodikoa izan arren, narritagarria izan daiteke. Black Francisek sortzen ditu taldearen letra gehienak, eta haren ukitua nabaria da. Oso maiz, kanta kriptikoak idazten ditu ezohiko gaiei buruz -UFOak edo surrealismoa, esate baterako-. Taldearen kanta ugarik desoreka mentala, Bibliako irudi bortitzak eta oinaze fisikoa dituzte hizpide.