Uluka | Aitaren Etxea
Bere nobela anbiziotsu eta ausartena burutu du Karmele Jaiok, lurralde ezezagun batean barneratuz eta bertatik arrakastaz itzuliz.
Arakatzaile honek ez du audio elementua onartzen.
Blokeatuta dago Ismael bere nobela berriarekin aurrera egin ezinik, eta argitaletxetik deika ditu epea gogoratzen. Gauzak okertu egingo dira, gainera, bere ama gaixotu eta aita zaharraz arduratu behar duenean. Jasone da senarraren idazlanen lehenengo irakurle eta zuzentzailea; gaztetan idazle izana, gero utzi ziona, baina azken urtean, gauetan ordenagailuaren aurrean, sekretuan berriz sortzen hasi dena.
Emazteak idatzitako horretan topatuko ote du Ismaelek azkenaldian aurkitu ezin duen ahotsa? Ala bere baitan arakatu beharko du, ez dakien sekretu hori deskubritzeko? Maskulinitatea eraikitzeko eta transmititzeko moduez eta orokorrean generoak emakume eta gizonen bizitzetan duen eragin itzelaz ari da Karmele Jaioren eleberria. Baita familietan sortzen diren isiltasun esanguratsuez ere.