Munitibarko 1937ko apirilaren 26 goizeko bonbardaketa
Gernika ez ezik Durango eta Eibar ere bonbardatu zituzten faxistek 1937ko udaberrian. Munitibar apirilaren 26ean bertan, goizean, bonbardatu zuten. Liburu baten jaso dute orduan gertatutakoa.
Arakatzaile honek ez du audio elementua onartzen.
'Munitibar 1937/04/26. Aire eraso baten kronika' liburuan jaso du Ahaztuen Oroiimena ekimenak 1937ko apirilaren 26an herriak jasan zuen bonbardaketa. Ordu gutxitara bonbardatu zuten Gernika eta egun hartan inguruko hainbat herritan ere zaurituak eta hildakoak izan ziren, «herri txikien memoria aldarrikatzeko beharra dago», Patxi Ibarzabal ekimenaren sustatzaileak NAIZ Irratiko 'Hemen gertatu zen' saioan azaldu duenez, aurreko egunetan Eibarren eta Durangon izandako bonbardaketak ere gogoratu ditu.
Hainbat udaletako oroimen webguneen harira sortu den ikamikaren harira «memoria osoa jasotzeak zer garrantzia duen» azpimarratu du.