Urtarrilaren 24ko atalean, Karibera eginen dugu bidaia. Kubaz ariko gara. Iraultza baten izenean eraikitako botereaz, eta botere horren barrenean sortu, babestu edo baztertu ziren ahotsetaz.

Kuban, musika ez da sekula apaingarri hutsa izan: diskurtsoa, konpromisoa eta gatazka ere izan da.

Iraultzaren ereserkitik hasiko gara, barruko zalantzetatik pasatuko gara, eta gaur egungo haustura ozenagoetara ailegatuko. Kubako doinuek lagunduta, diktadura baten barrenean bizitzeko modu desberdinak aditzeko.