Hilabete pasatxo falta da Maialen Ibarrak bere bigarren diskoa kaleratzeko eta apirilean eta maiatzan kantu bana aurkeztu ostean, duela egun gutxi plazaratu du ‘Bi tiro’ azken aurrerapen kantua. Musikari bizkaitarrak funky eta r&b kutsuko doinuak aukeratu ditu, alaiak eta dantzagarriak, akaso hain argitsua ez den mezu bat zabaltzeko. 

Naiz Irratiko MusikHaria saioan izan da kantuaren eta datorren azaroaren 21ean etorriko den ‘16 segundu’ diskoaren inguruan hizketan.