Bere liburuen artean, Los dueños del viento eta Tratado de (h)ortografiarekin hasi zuen trilogia, Los Tampones taldearen abeslariarena. Txikitatik idazten du eta oso gaztetik hasi zen bere lanak argitaratzen, sari literarioei esker. Umorea da bere marka, nahiz eta gehien saldu duen liburua umorezkoa ez izan. Eta, aitortu digunez, gai potoloek ez, pasadizo txikitan inspiratuta daude bere istorioak, adibidez, telebistako leihaketa batek.

Txikitatik ere irakurle amorratua zen, jakina. Eta, hala ere, orduan ez zitzaion okurritu liburuzaina berarendako ofizio aproposa izan zitekeenik. Kasik kasualitatez hasi zen baina urte mordoa daramatza lan horretan. Azken tokia, Ultzamako liburutegia, han lortu du plaza, egonkortze prozesu baten bitartez; eta han harrapatu dugu bere bi ofizioen xehetasunak ezagutu nahi genituelako.