«Kontzertu batean bi abesti grabatu nahi nituen eta ideia bi bideo horiek soilik kaleratzea zen, baina kontzertua hain garrantzitsua izan zen, diskoa ateratzea erabaki nuela». Ander Zubillaga musikariak ez zuen zuzeneko disko bat aurkeztea espero. Abenduan, Donostiako Dkluba Aretoan kontzertua eskaini zuen Zubillagak, Twangueroren kontzertuaren aurretik eta hain esperientzia berezia izan zen, disko batean islatu nahi izan duela. 

Oholtzan musikari bakar bat: Ander Zubillaga bera. ​​«Taldean joatea gaur egun tamalez oso zaila da, are gehiago musikari profesionalak eraman nahi badituzu» esan digu. Horregatik, diskoan hiru elementu dira garrantzitsuenak: gitarra akustikoa, looperra eta gitarra elektrikoa. «Bakarrik zoazenean askok pentsatzen dute formatu akustikoan joango zarela, eta agian ez dela egokia izango; erakutsi nahi nuen hori ez dela beti horrela».

Diskoa aurkeztu digu Bigarren Kafean.