Martxoa iritsi da, eta horrekin batera baita Deustuko jaiak ere. Bere oinarrian bi asteburu hartzen zituzten jaiak, egun bederatzi eguneko egitarau potolo batean bilakatu dira, herritarren inplikazio eta laguntzari esker.

San Jose egunaren bueltan dauden asteburuez gain, aste barruan ere hainbat ekintza antolatzen dituzte adin eta gustu guztietako herritarrentzat. Nerea Cubillo, Deustuko Jai Batzordeko kideak esan moduan, gutxinaka gutxinaka, ari dira «Deustuko Aste Nagusia» antolatzen.

Inplikazioa urte batetik bestera geroz eta handiagoa den honetan, Deustuko Jai Batzordea geroz eta talde eragile eta norbanako gehiagok osatzen dute. Eta aurtengoan, txupinazoa eta pregoia emateko ohorea, Jai Batzordeko kide den, Gora Deustu Herria Auzo Elkarteari eman diote. Izan ere, aurreko urtean, 2024an, Deustuk herri independiente izateari utzi izanaren mendeurrena izan zen, eta elkarteak honi lotuta egindako lan guztiaren eskertza moduan eman diote txupina botatzearen ardura. 

Deustuko Jai herrikoi, parekide, euskaldun eta parte hartzaileek beren plaza izango dute, bederatzi egunez, zazpi gunetan banatuta antolatutako egitarauan.