Gurpilak ez du gupidarik eta honen puntu gorenean mantendu nahi badugu, edozein momentutan bira egin eta zapal gaitzake. Gurpilaren erdigunean kokatzen ikasi behar dugu, ulertu ez arren, bere zikloei, ausazkoak iruditzen zaizkigun bere aldaketei egokitu.

Adibide praktikoetara eraman ditugu ideia hauek. Heriotza edo kapitalismoaren hazkunde logika suntsikorra, besteak beste. Dena aldatzen da. Iragankorrak dira gure esperientziak, sortzen ditugun sareak, harremanak. Eta, aldi berean, iragankortasun honek ematen die gauzei esanahia, sentiarazten gaitu komunitate, elkarri konektatuta, hurbil.