Sortzen elkarteko Eneko Elizari kexu da aurrematrikulazioan familia migratuek izaten duten bideratzeaz. «Gehienetan A eta G ereduetara bideratzen zaie zuzen-zuzenean aukerarik eman gabe, informaziorik eman gabe edo euskara oso zaila dela aitzakiarekin. Eredu horietara soilik zuzentzeak diskriminazioa eta segregazioa areagotzen du. Haurrei etorkizuneko aukerak murrizten zaizkie». D ereduan matrikulatzeko aldarrikapena egin du, euskara harago doala defendatuz. «Eskola eta herri eskolek egiten duten lanketa eta kultura prozesuak oparia dira haur eta familia hauentzat. Gure komunitateen arteko elkar jakintza eta elkartruke horretan guztiok aberasten gara».