Lehen kantu kuttun gisa, Karate taldearen 'There are ghosts' abestia aukeratu du Beñatek. «Talde hau taldekide batek erakutsi zidan duela pare bat hilabete, geroztik egunero jartzen dut beraien disko bat. Oso elementu gutxi eta floritura gutxikin izugarrizko transmisioa lortzen duela iruditzen zait, eta horrek behakro luke edozein talderen helburua».

Bigarren kantu kuttun gisa McEnroe taldearen 'La Luz' ekarri nahi izan du gurera Beñatek. «Pertsonalki asko ukitu nauen taldea da, uste dut beraien musikak oso erraz eramaten zaituela toki nostalgiko edo samin bilatu horretara».

Hirugarren kantu kuttun Manos de Topo taldearen 'Bragas bandera' kantua ekarri nahi izan digu Beñatek. «Nahiz eta abesteko ahotsa berezia izan, uste dut gai potoloak jorratzen dituela eguneroko gordintasun berezi batekin. Hasieran kostatzen den arren, eman entzunaldi pare bat» gomendatu digu.

Saioari amaiera emateko, azken kantu gisa, Brutus taldearen 'Victoria' aukeratu du Beñatek. «Azken aldian ikusitako zuzeneko borobilena dute, oso kuriosoa da bateria izatea abesten duena, ez galdu aukera hauek zuzenean ikusteko».