Urteak joan eta urteak etorri ahaztu ezin izaten den talderik badago, hori Kalifornia aldeko 'Creedence Clearwater Revival' dela esan genezake. John Fogerty, Tom Fogerty, Stu Cook eta Doug Clifford taldekideek urrearen balioa izan beharko luketen lanak utzi zizkiguten 'Rock' estiloaren beste zenbait adarretan.

'Roots Rock', 'Hard Rock', 'Swamp Rock' eta 'Country rock' doinuetan murgiltzen ziren zazpi disko ezberdinetan ezagutarazi zituzten kantuak. 1968. urtean eman zuten beraien lehen diskoaren berri taldearen izen berberarekin eta azkena berriz 1972an etorri zen 'Mardi Gras' izena azalean zuela.